Námskeið og fleyri námskeið

Þegar fólk fer að tala um haustið og veturinn og allt sem koma skal með þeim árstíma, fyllist ég ánægju og gleði þó svo að  það örli einnig fyrir örlitlum kvíða, því ég eins og fleiri er svo illa haldin af félagsmálanámskeiðsáráttuþráhyggju.

Og vitið menn nú er haustið skollið á með öllum sínum bæklingum og dreifiritum um fjölda allan af áhugaverðum námskeiðum og félagsstörfum. Hvernig get ég staðist þetta allt !! það er ekki hægt ! Óbeisluðfegurð, þjóðbúningasaumur, silfursmíði, kvennfélagsfundir og þjóðbúningafélagsfundir  með öllu til heyrandi, hvar get ég fundið tíma ?........Sem betur fer hefur mér tekst vera það skipulögð og ákveðin (ekki frek) að fá aðsendur námskeiðanna að koma því  þannig fyrir að þau stangist ekki á......já svo að ég komist örugglega á þau öll. Og tímann fann ég  húrra! Það var sko ekkert mál, með því að flytja hin ýmsu heimilisstörf yfir á aðra fann ég fullt af auka tíma (ég er svo asskoti vel gift). 

Ég hélt lengi vel að ég væri ein um þessa sort af áráttuþráhyggju en svo er ekki, því ég var svo heppin að kynnast kjarna konunni Matthildi sem er með sömu áráttuþráhyggju og ég. svo nú erum við tvær sem leitum upp öll spennandi uppákomur, námskeið og félagsstörf.

það væri kannski hægt að stofna félag utanum þetta ? 

Athugasemdir

[Hjördís Þráinsdóttir, 25.9.2007 kl. 21:54]

Félag félagsmálanámskeiðsáráttuþráhyggjufólks. FFMNÁÞF.

[Matthildur Ágústa Helgadóttir Jónudóttir, 28.9.2007 kl. 11:20]

Já Gréta stofnum Félagafélgið, höldum fundi síðdegis á föstudögum á Langa Manga. Þá getum við fengið okkur hvítvínstár eða kaffi og fundið ný námskeið.

[Gló Magnaða, 28.9.2007 kl. 15:29]

Ég ákvað áðan að ég ætlaði ekki að gera neitt sem ég þarf að borga fyrir bara að gera það sem ég fæ borgað fyrir........... hmmmm...   

[Ylfa Mist Helgadóttir, 12.10.2007 kl. 21:22]

Var að uppgötva að þú bloggar!!!

Sé að þú ert ekkert dugleg við það.